TCP and UDP Port

நீங்கள் தினமும் உபயோகிக்கும்  இணையதளத்திலிருந்து கைபேசியில் உபயோகிக்கும் ஷேர்இட் வரை இது இல்லாமல் இயங்கமுடியாது, அதுதான் சாப்ட்வேர் போர்ட் , இதை வைத்தே இணையமே இயங்குகிறது என்று சொன்னால் அது மிகை ஆகாது

இந்த போர்ட் என்பதை எளிதில் புரிந்துகொள்ள நான் முன் சொன்ன எடுத்துக்காட்டை மனதில் நிறுத்திக்கொள்ளுங்கள், உங்கள் தபால் உங்களின் வீட்டிற்கு தபால்காரர் எடுத்து வருகிறார் ஆனால் உங்கள் வீடு அபார்ட்மெண்டில் ஒரு வீடாக இருக்கும்பொழுது உங்களுடைய வீட்டிற்கென ஒரு நம்பர் இருக்குமல்லவா அதுபோலவே உங்களுடைய ஐ.பி-க்கு ஒரு தகவல் வந்தாலும் அது எந்த போர்ட்-க்கு வருகிறதென்பதை வைத்தே அது எங்கு சேரவேண்டுமென முடிவு செய்யப்படும்

போர்ட் என்பது 16 பிட் கொண்ட  0 முதல் 65535 நம்பர்கள் கொண்டது, இதில் முன் கூறியது போல் TCP மற்றும் UDP PORT என தனித்தனியே PORT நம்பர் உள்ளது , அதாவது

0-65535(TCP)
0-65535(UDP)

இதில் நாம் எப்போதும் பயன்படுத்தும் இணையதள வலைத்தளங்கள் TCP PORT 80-யில் வேலை செய்யும் அல்லது  TCP PORT 443 யில் வேலை செய்யும்

இப்போது சிறிய செயல்பாட்டின்மூலம் நம்முடைய கணினியில் என்னென்ன போர்ட் உள்ளது, எது எந்த நிலையில் உள்ளதெனப் பார்க்க சிறிய செயல் உங்களுடைய கணினியில் கமாண்ட் ப்ராம்ப்ட் ஓபன் செய்துகொண்டு netstat -an என டைப் செய்யுங்கள்

இப்போது உங்கள் கணினியில் என்னென்னெ போர்ட் ஓபன் ஆகி உள்ளது எனத் தெளிவாகத் தெரியும்

*முதல் வரிசையில் உள்ளது tcp அல்லது udp என்பதை குறிப்பது


*இரண்டாவது லோக்கல்  அட்ரஸ் (Local address)- இது நம் கணினி மற்ற கணினிகளுடன் தொடர்புகொள்ள பயன்படுத்தும் ஐ.பி அட்ரஸ்,


*மூன்றாவது பாரின் அட்ரஸ் (Foreign Address)- இது நம் கணினிஎந்தக் கணினியை தொடர்புகொள்கிறதோ அதனின் ஐ.பி அட்ரஸ்


*நான்காவது ஸ்டேட் (State)-இது அந்த தொடர்பின் நிலையை குறிக்கும்

இதில் அந்தப் படத்தில் முன்னிலைப்படுத்தப்பட்ட இடத்தை பாருங்கள், அதுதான் போர்ட்(Port)

முதல் வரி 0.0.0.0 என்னும் ஐ.பி அட்ரஸில் tcp port 80-இல் யார் வேண்டுமானாலும் தன்னுடன் கனக்ட் செய்துகொள்ளலாம் எனக் குறிக்கிறது

இந்தப் படத்தில் முன்னிலைப்படுத்தப்பட்டதை பாருங்கள், இங்கு 192.168.0.109 என்னும் ஐ.பி தன்னுடைய 42344 என்னும்  tcp port மூலம் 52.230.80.159 என்னும் ஐ.பி-யுடன் 443 என்னும் tcp port-இல் இணைந்துள்ளது

YOUTUBE  எனப்படும் வீடியோ ஷாரிங் இணையத்தளம் லைவ் ஸ்ட்ரீமிங்கை UDP COMMUNICATION-ஐ உபயோகித்து எப்படி  செய்கிறதென்பதை  பற்றி அடுத்த பதிவில் காண்போம்

Transmission control protocol (TCP)

இதுவரை கருவிகளுக்குள் எப்படி ஒரு தகவல் பரிமாறப்படுகிறதென பார்த்தோம், இப்போது கருவிகளையும் தாண்டி இரு கணினிகள் எப்படிப்  பேசிக்கொள்கின்றன என்பது பற்றி தெளிவாக பாப்போம், இரு கணினிகள் பல்வேறு முறையில் பேசிக்கொள்ளும், அதற்கு பேசுவதற்கான தேவை நிறைய இருக்கும்

* ஏதோ ஒரு டாகுமெண்ட்  வேண்டி தொடர்பு கொள்ளலாம்
* ஏதோ ஒரு அனுமதி வேண்டி தொடர்பு கொள்ளலாம்
* ஏதோ ஒரு சேவை வேண்டி தொடர்பு கொள்ளலாம்
* ஏதோ ஒரு சேவையை அளிக்கத் தொடர்பு கொள்ளலாம்

இப்படி பல்வேறு விதமான தேவைகளை பூர்த்திசெய்வதற்கு தொடர்புகொள்ள இரண்டே இரண்டு வழியைத்தான் பயன்படுத்துகிறது , அஃது டீ.சி.பி (TCP) ,மற்றும் யு.டி.பி(UDP)

இந்த இரண்டும் எப்படி இரு கணினிகளின் தேவைகளை பூர்த்தி செய்கிறதென்பதை புரிந்துகொள்ள இந்த தொழில்நுட்பம் எப்படி இவைகளை சாத்தியப்படுத்துகிறதென்பதை பாப்போம்

Transmission control protocol (TCP)

இது ஒரு கணினியில் இருந்து இன்னொரு கணினிக்கு தகவல் எங்கும் தவறவிடாமல் பரிமாற இந்த ஒரு தொழிநுட்பமே அதிகம் பயன்படுத்தப்படுகின்றது

ப்ரோடோகால் என்பது ...ஒரு தகவல் ஓர் இடத்திலிருந்து இன்னொரு இடத்திற்கு செல்ல சில வழிமுறைகளை பின்பற்றவேண்டும்...அப்படி உருவாக்கப்பட்ட விதிகளையே ப்ரோடோகால் என்பர்

சாலையில் நாம் செல்ல எப்படி சாலை விதிகள் உள்ளதோ அதே போல ஒரு கணினியில் இருந்து இன்னொரு கணினி செல்லவும் சில விதிமுறைகள் உள்ளன ..அதுவே ப்ரோடோகால் எனப்படும்


TCP-யின் விதிமுறைகள்:

*இங்கு சர்வர் (அளிப்பவர்/அனுப்புனர்)-கிளைன்ட்(பெறுபவர்) என இரு பகுதி இருக்க வேண்டும்

*யார் யாரிடம் தகவல் அனுப்ப விரும்பினாலும் முதலில் பெறுநர் தான் அனுப்பும் தகவலை வாங்க தயாராக உள்ளாரா என முன்னரே உறுதிப்படுத்திகொண்டு தகவலை அனுப்ப வேண்டும், அப்படி உறுதிப் படுத்த முதலில் SYN எனப்படும் பாக்கெட்டை அனுப்ப வேண்டும் 
*பெறுநர் தகவல் பெற தயாராக இருந்தால் உடனே அனுப்புனரிடம் syn-ack எனப்படும் பாக்கெட்டை அனுப்பி கூற வேண்டும்
*அதன் பின்பே தகவல் பரிமாற்றம் ஆரம்பமாகும்

இதன் பெயரே 3-வே ஹேண்ட்ஷேக் என்பர் (3-WAY HANDSHAKE)

ஒரு ரௌட்டர் எப்படி இரு நெட்ஒர்க்-குகளை ஒன்றிணைக்கிறது ???

இதற்கு முன் ஈதர்நெட் பிரேம் எப்படி உருவாகி ஒரு சுவிட்ச்-இல் இருந்து இன்னொரு ஸ்விட்சிற்கு செல்கிறது எனப் பார்த்தோம்...இப்போது அதே போல் ஒரு பாக்கெட் எப்படி உருவாகி ஒரு நெட்ஒர்க்-இல் இருந்து இன்னொரு நெட்ஒர்க்-கிற்கு செல்கிறதென்பதை பற்றிப் பாப்போம்

நாம் டெல்லியில்  இருந்து கும்பகோணத்திற்கு தபால் அனுப்பினால் அது என்னென்ன நிலைகளை அடையும் எனப் பாப்போம் அதை கணினி மூலம் செல்லும் தகவலுடன் ஒப்பிடுவோம்

நாம் அனுப்பும் தபால் சென்னை சென்ட்ரல் ரயில் நிலையத்திற்கு செல்லும்..அங்கே இருந்து ரயிலில் திருச்சி செல்லும் ...திருச்சியில் இருந்து கும்பகோணம்.பல்வேறு கும்பகோணம் போஸ்ட் மாஸ்டரிடம் இருந்து  நம்மிடம் வந்து செருமல்லவா...அதே போல்

நாம் அனுப்பவேண்டிய செய்தி ஒரு நெட்ஒர்க் பாக்கெட்டின்  நடுவில் உக்கார்ந்துகொள்ளும் (தபால் தலைக்குள் நமது கடிதம் போல் )

இப்போது படத்தில் கொடுக்கப்பட்டுள்ளது போல் ஒரு லேப்டாப் 0 லேப்டாப் 3-க்கு ஒரு தகவலை அனுப்பினால் அதனை அங்குள்ள சுவிட்ச் அலசி பார்த்துவிட்டு ரௌட்டரிடம் அனுப்பும்

இப்போது நெட்ஒர்க் பாக்கெட் ரௌட்டர் மூலம் இன்னொரு நெட்ஒர்க்-கிற்கு அனுப்பப் பட்டுவிடும் ...அங்கே நம்முடைய பாக்கெட் பிரிக்கப் படும் (  சென்ட்ரல்-லில் இருந்து திருச்சி செல்ல முடிவெடுப்பதுபோல் )

நம்முடைய நெட்ஒர்க் பாக்கெட்டை பிரித்தால் உள்ளே நாம் எந்த ஐ.பி-க்கு அனுப்புகிறோமோ அதனை அடைய என்ன வழி என்பதை ரௌட்டர் முடிவு செய்து அந்த வழியில் அந்த பாக்கெட்டை அனுப்பும் ( சென்னையில் இருந்து திருச்சிக்கு ரயிலில் அனுப்புவது போல் )

இப்போது அந்த பாக்கெட் அங்குள்ள சுவிட்ச்-சின் கையில் வந்தடையும் ...அந்த சுவிட்ச் வந்துள்ள பாக்கெட்டின் இலக்கு (destination) ஐ.பி யை பார்த்து ..அது எந்த மேக் அட்ரஸ்க்கு  சொந்தமானது என தன்னுடைய மெமரியில் தேடி கண்டுபிடிக்கும் , இதன் பெயரே அட்ரஸ் ரெஸலுஷன்(Address resolution) என்பர் (தபால் கும்பகோணம் வந்த பிறகு, நம்முடைய வீடு எங்குள்ளது எனக் கண்டுபிடிப்பதுபோல்)

இந்த படத்தில் இடது புறம் உள்ள சுவிட்ச் அதன் இடது பக்கம் உள்ள கணினிக்கு அனுப்புவதா அல்லது வலது பக்கம் அனுப்புவதா என முடிவு செய்வதுபோல் 

இப்போது அந்த மேக் அட்ரஸ் எந்த போர்டில்(port) உள்ளது என தன்னுடைய மேக் டேபிள்-லில் பார்த்து அந்த போர்ட்டிற்கு(Port) அனுப்பும்(நம்முடைய போஸ்ட் மென் நம் வீட்டிற்கு எப்படி வருவது என பார்த்து வருவது போல் )

இப்படித்தான் நம்முடைய தகவல் பல கருவிகளை தாண்டி இன்னொரு கணினியை சென்றடைகிறது

பிரைவேட் ஐ,பி அட்ரஸ் (Private network IP ADDRESS )

பொதுவாக  எந்த நிறுவனத்திற்கு  இணைய சேவை வேண்டுமோ அவர்கள் ஒரு ஐ.பி அட்ரஸ் பணம் கொடுத்து வாங்கிக்கொள்வர், இப்படி ஒவ்வொரு அட்ட்ரஸும் ஒவ்வொரு நிறுவனத்திற்கு கீழ் பதிந்திருக்கும், ஆனால் எந்த நிறுவனமும் சாராமல் பொதுவான அனைவரும் உபயோகிக்கும் வகையில் சில அட்ரெஸ்ஸை ஒதுக்கியுள்ளனர், அவையே பிரைவேட் ஐ.பி அட்ரஸ்

--192.168.0.0 - 192.168.255.255 (65,536 IP addresses)
--172.16.0.0 - 172.31.255.255 (1,048,576 IP addresses)
--10.0.0.0 - 10.255.255.255 (16,777,216 IP addresses)

ஒரு நெட்ஒர்க் என்பது ஐ.பி அட்ரஸ் படி பிரிக்க வேண்டுமென்றால் பொதுவாக ஒரு நெட்ஒர்க்கில் 255 ஆக பிரிக்கலாம் உதாரணத்திற்கு 192.168.1.0-192.168.1.255 இதில்

192.168.1.0 என்பது அந்த நெட்ஒர்க்கின் பெயர்..இதனை எந்த கருவிக்கும் பொருத்த முடியாது, அதுபோல 192.168.1.255 என்பது சில செய்திகளை எல்லா கணினிகளுக்கும் தகவல் பரப்ப பயன்படுத்தப்படும், அதனால் அந்த ஐ.பி அட்ரெஸையும் உபயோகிக்க முடியாது..அதனால் 192.168.1.1 முதல் 192.168.1.254 வரை மட்டுமே பயன்படுத்த தகுதி உடையது.

ஒரு நெட்ஒர்க் என்பதை குறிக்க அது எங்கு தொடங்கி எங்கு முடியும் என்பதையும் சேர்த்தே குறிப்பிட வேண்டும் ..அதனை குறிக்க பயன்படுத்தும் சொற்றாடல் சப்நெட் மாஸ்க் (subnet mask). இப்போது ஒரு  நெட்ஒர்க்கில் 254 கருவிகள் இணைக்க வேண்டுமென்றால் 255.255.255.0 என்பது அதன் சப்நெட் மாஸ்க்-காக இருக்கவேண்டும், அதுபோல ஐபி அட்ரஸின் 4 அக்டேட்-களில் சிலது மாறும் சிலது மாறாது

மாறுவது -  ஹோஸ்ட் பிட்
மாறாதது  - நெட்ஒர்க் பிட்

இப்போது 192.168.1.0-வில்

இதில் 192.168.1(நெட்ஒர்க் பிட்(network bit))
.0(ஹோஸ்ட் பிட்(host bit)

192.168.1.0-192.168.1.255

இதன் சப்நெட் மாஸ்க் 255.255.255.0 ( இதுவே முதல் மூன்று அக்டேட் மாறாமல் இருப்பதை குறிக்கிறது )

இங்கு பார்த்தால் ஹோஸ்ட் பிட் ஒன்று முதல் 255 வரை மாறும்.

ஸ்விட்சில் மேக் அட்ரஸ் வைத்து பிரேம் உருவாக்குவது போல், இந்த ஐ.பி அடிரெஸ்ஸை வைத்து ஐ.பி பாக்கெட் (IP PACKET) உருவாக்கப்படும்.

ஒரு நெட்ஒர்க் சுவிட்ச் ஒரே நெட்ஒர்க்-குக்கு கீழ் உள்ள கணினிகளை ஒன்றிணைக்கும்.  ஒரு ரௌட்டர் இரு நெட்ஒர்க்-குகளை இணைக்கும் பாலமாக செயல்படும்
இவைகளை வைத்தே இணையம் அல்லாத தனியான ஒரு நெட்ஒர்க் வேலை செய்கிறது, இதுவரை ஒரு ரௌட்டர் எப்படி வேலை செய்கிறது என்பதை புரிந்துகொள்ளத் தேவையான அணைத்து சித்தாத்தங்களையும் புரிந்துகொண்டோம், இப்போது ரௌட்டர் பற்றி ...

இங்கே படத்தில் கொடுக்கப் பட்டுள்ளது போல  192.168.1.0 என்பது ஒரு நெட்ஒர்க் 192.168.2.0 என்பது வேறு, இந்த இரண்டையும் இணைக்கும் கருவிதான் ரௌட்டர்..ரௌட்டர் எப்படி இந்த இணைப்பை சாத்தியப்படுகிறது என்பதை அடுத்தப் பதிவில் காண்போம்  

ரௌட்டர்(Router)

இணையம் என்று சொல்லும்போது உலகமே இணையக்  காரணமே இந்தக் கருவி தான். ஆம் உலகத்தில் பல்வேறு வகையான நெட்ஒர்க் இருக்கும் உதாரணத்திற்கு வீட்டிற்குள் வயர்லெஸ் அல்லது லோக்கல் ஏரியா நெட்ஒர்க் , இரு நகரங்களை இணைக்கும் மெட்ரோ பாலிடன் நெட்ஒர்க், உலகத்தை இணைக்கும் கடலுக்கடியில் செல்லக்கூடிய சப்மரைன் நெட்ஒர்க், வான் வழியாக உலகத்தை இணைக்கும் சாட்டிலைட் நெட்ஒர்க் என பல்வேறு நெட்ஒர்க்-குகளை ஒன்றாக இணைக்கும் ஒரே கருவி தான் இந்த நெட்ஒர்க் ரௌட்டர்

சுவிட்ச்களில் எப்படி ஒரு கணினியை அடையாளம் காண மேக் அட்ரஸ் உதவியதோ அதே போல இந்த ரௌட்டர் கருவிகளுக்குள் அடையாளம் காண அதெற்கென ஒரு தனி பெயரை உருவாக்கினார்கள் அதுவே ஐ.பி அட்ரஸ் (IP ADDRESS). ரௌட்டர் எப்படி வேலை செய்கிறது எனப் பார்ப்பதற்கு முன் இந்த ஐ.பி அட்ரஸ் பற்றி பார்த்து விடுவோம்

* இது  32 பிட் அளவு கொண்டது, 8 ஆக்டெட்டாக பிரித்தால் 4  ஆக்டேட்
* இது இரண்டு வகைப்படும் பப்ளிக் அட்ரஸ்(PUBLIC IP ADDRESS), பிரைவேட் அட்ரஸ்(PRIVATE IP ADDRESS)
* உலகத்தில் உள்ள அனைத்து கருவிகளுக்கும் இணையத்துடன் இணைய பப்ளிக் அட்ரஸ் தேவை
* இதை மூன்று புள்ளிகள் கொன்று பிரிப்பார்கள், அதாவது (xxx.xxx.xxx.xxx)
* இது 0.0.0.0 வில் ஆரம்பித்து 255.255.255.255 என்பதுடன் முடிவடைகிறது
* அதாவது

0.0.0.0
0.0.0.1
0.0.0.2
......
.
.
.
0.0.0.255
0.0.1.0
0.0.1.1
.....
.
.
.
0.0.1.255
.....
.
.
.
255.255.255.255

இந்த வாக்கில் மொத்தம் 4294967296 (2பவர்32) ஐ.பி அட்ரஸ் உள்ளது

இந்த ஐ.பி அட்ரஸ் அனைத்தையும் நாம் உபயோகிக்க முடியாது, இதில் எதை நாம் உபயோகப் படுத்தலாம் என IANA என்னும் அமைப்பு முடிவு செய்து இந்த ஐ.பி அட்ரஸ்-களை 5 வகுப்புகளாக பிரித்தனர்

CLASS A

CLASS B

CLASS C

CLASS D

CLASS E

இதில் கிளாஸ் டி மற்றும் ஈ நம்முடைய பயன்பாட்டிற்கு அனுமதியில்லை

இந்த ஐ.பி கொன்று ரௌட்டர் எப்படி வேலை செய்கிறதென்பதை அடுத்த பதிவில் காண்போம் 

பாக்கெட் டாட்டா ட்ரான்ஸ்மிசன் (Packet Data Transmission)

ஒரு ஈதர்நெட் கேபிள் வழியாக நம்முடைய தகவலை அனுப்பும்பொழுது அது இன்னொருவருக்கு நாம் அனுப்பும் விதமே சென்றடைகிறதென சரியாக கூறமுடியாத நிலை இருந்தது..அதுபோக ஒவ்வொரு முறையும் அடுத்தவர் டாட்டாவை அனுப்பும் வரைக் காத்திருந்து அதன்பின் நம்முடைய டேட்டாவை அனுப்ப நேரமெடுத்தது .அதுமட்டுமல்லாமல் சிக்னல் நடுவில் தடைபடுவதால் டாட்டா தொலைந்துகொண்டே வந்தது...இதனை சரி செய்யவே பிரேம் (Ethernet Frame) என்னும் ஒரு வரைமுறையை உண்டாக்கினார்

ஒரு ஈதர்நெட் பிரேம் என்பது மொத்தம் 64 பைட்(byte) கொண்டது, இதில் எங்கு அந்த பிரேம் செல்லவேண்டுமென்னும் இலக்கும்(destination) மேக் அட்ரஸ் மற்றும் எங்கிருந்து வருகிறது என்னும் மூலமும்(Source) மேக் அட்ரஸ்ஸும் என்னமாதிரியான ஈதர்நெட் பிரேம் என்பதைக் குறிக்க டைப் பீல்டு (Type Filed), டேட்டாவை அனுப்ப டாட்டா பீல்டு, மற்றும் மேற்கூறிய காத்திருக்கும் பிரச்னையை சரி செய்ய பிரேம் செக் சீக்குவ்னஸ் (Frame Check Sequence) என்னும் பீல்டு உள்ளது.

ஒரு ஈதர்நெட் கேபிள் வழியாக ஒரு பாக்கெட் செல்ல வேண்டி இன்னொரு பாக்கெட் காத்திருக்காமல் இருக்க ஒவ்வொரு பாக்கெட்டுக்கும் ஒரு வரிசை எண் அளிக்கப்படும்.இதன் மூலம் அந்தப் பிரேமை பெறுபவர் அந்த எண்ணை வைத்து வரிசைப் படுத்தி எளிதில் இனம்கண்டுகொள்வர் ..அதுமட்டுமல்லாமல் FCS தொழில்நுட்பம் மூலம் ஒரு ஒரு பிரேமை அனுப்பும் முன் அந்தப் பிரேமை வைத்து சிறு கோட் வோர்ட் ஒன்றை உருவாக்குவார் ...அந்தக் கோட் வோர்டை அந்த பிரேமை பெரும் கணினி டீகோட் செய்யும்...அப்படி செய்யும் பொழுது அந்த வார்த்தையும் அனுப்புனர் அனுப்பிய வார்த்தையும் ஒன்றாக இருந்தால் ...அனுப்பிய தகவல் நடுவில் எந்தத்  தொந்தரவும் மாற்றமும் இல்லாமல் செய்தி வந்தடைந்தது என உறுதிப்படுத்தும்.

இப்படி ஒரு ஸ்விட்சில், அதனுடன் இணைக்கப்பட்ட கருவிகளுக்குள்  எளிதில் தொடர்புகொள்ள முடிந்தது...காலம் செல்ல செல்ல ..இந்த நெட்ஒர்க் பெரிதாக ஆரம்பித்தது..அப்போது வெவேறு நெட்ஒர்க்குகளை இணைக்க ஒரு கருவி தேவைப் பட்டது..அந்தத் தேவையை பூர்த்தி செய்யவே ரவ்ட்டர் (Router) பிறந்தது. ரௌட்டர் பற்றி அடுத்தப் பதிவில் பாப்போம்.

   

மேக் அட்ரஸ்(MAC ADDRESS)

நம் எல்லோருக்கும் எப்படி ஒரு தனி முகவரி இருக்கிறதோ அதுபோல் இணையம் செயல்படப் பயன்படும் அணைத்து கருவிகளுக்கும் தனி முகவரி தேவை, அதனை பூர்த்திசெய்யவே இந்த மேக் அட்ரஸ் பிறப்பெடுத்தது.  நாம் நமக்குள் உணர்வுகளை, தகவல்களைப் பரிமாறிக்கொள்ள மொழியைப் பயன்படுத்துவதுபோல்..இந்த கருவிகள் மற்ற கருவியிடம் உரையாட ஒரு மொழி கட்டமைப்பை உருவாக்கியது ISO(International Organization for Standardization)..அந்த திட்டத்திற்கு OSI(Open Systems Interconnection) எனப் பெயர் சூட்டியது, அந்தக் கட்டமைப்பை நாம் புரிந்துகொண்டால் மட்டுமே நம்மால் இந்தக் கருவிகள் பேசும் மொழியை புரிந்துகொள்ள முடியும்.

முதலில் இந்த மேக் அட்ரஸ்ஸின் வரையறை பற்றிப் பாப்போம், இது மொத்தம் 48 பிட்டுகள் கொண்டது 8 பிட்டை 1 அக்டேட் எனக் கூறுவர்...ஆக மேக்  அட்ரஸ் என்பது 8 ஆக்டேட் கொண்டது.உங்களுடையக் கணினியின் மேக் அட்ரஸ் தெரிந்துகொள்ளும் விதம் அதன் ஆப்பரேட்டிங் சிஸ்டம் பொருத்து வேறுபடும். விண்டோஸ் சிஸ்டம்களில் கமண்ட் ப்ராம்ப்ட் ஓபன் செய்து ipconfig /all என டைப் செய்தால் ...மிக நீண்ட பதில் வரும் அதில் நம்முடைய நெட்ஒர்க் (ஈதர்நெட்-ஆகவோ அல்லது வயர்லெஸ்-ஆகவோ இருக்கலாம்) அந்த தலைப்புக்கு கீழ் உள்ள பிஸிக்கல் அட்ரஸ் (Physical Address) அருகில் உள்ள 8 ஆக்டெட்தான் உங்களது மேக் அட்ரஸ்

இந்த மேக் அட்ரஸ் வைத்தே உங்களுடைய கணினியை மற்ற கருவிகள் மிக எளிதாக இனங்கண்டு, உங்கள் கருவி இருக்கும் இடத்தையும் கண்டுகொள்ளும்.தற்போது இரு கணினிகள் பேச நினைத்தால் ஒரு ஈதர்நெட் கேபிள் கொண்டு இணைத்துவிடலாம், இதுவே இரண்டிற்கும் மேற்பட்ட கணினிகள் பேச நினைக்கும் பொழுது ...அவை அனைத்தும் ஒரே தொடர்பில் இருக்கவைப்பது ?

இவைகளுக்கு பதில் கூறவே ஹப் எனப்படும் கருவியை உருவாக்கினார்கள். இந்த நெட்ஒர்க் ஹப் பலக் கணினியை ஒரே தொடர்பில் இணைத்து, அவைகளுக்குள் பேசிக்கொள்ள உதவும் கருவியாய் அமைந்தது. ஆனால் இதற்கு ஒரு தகவல் ஒரு கணினியில் இருந்து வந்தால் அதனை எல்லாக் கணினிகளுக்கும் அனுப்பிவிடும், சுருக்கமாக சொன்னால் நம்மூர் தெருவில் உக்கார்ந்திருக்கும் மூதாட்டிகளைப் போல்..இங்கே கொடுக்கப்பட்டுள்ள படத்தைப் பாருங்கள்

பிரெட் என்பவன் பெட்டி என்பவளுக்கு பிரியமாய் ஏதோ அனுப்புகிறான் ..ஆனால் இந்த நெட்ஒர்க் ஹப் அதை எல்லாரிடமும் கூறிவிட்டது. இந்தப் பிரச்னையை சரி செய்யவே சுவிட்ச் என்னும் கருவி உருவாக்கப்பட்டது

இந்த சுவிட்ச் என்பது அதன் ஒவ்வொரு போர்ட்டிலும்(Port) எந்தக்  கருவி உள்ளதென தனது அட்டவணையில்(MAC TABLE) அந்தக் கருவியின் மேக் அட்ரஸ்ய்யும், அந்தக் கருவி இணைக்கப் பட்டிருக்கும் ஈதர்நெட்  போர்ட் எண்ணையும் இணைத்துக் குறித்து வைத்துக் கொள்ளும். ஒரு தகவலை வாங்கும்பொழுதே யாருக்கு அனுப்பவேண்டும் எனக் கேட்டு வாங்கிக் கொண்டு, அந்த அட்டவணையில் எந்த ஈதர்நெட் போர்ட்டில்  குறிப்பிடப்பட்ட மேக் அட்ரஸ் உள்ளதோ அதற்கு மட்டும் அந்த செய்தியை அனுப்பும்.

இரவு 8 முதல் 9 வரை நியூஸ் சேனல் பார்ப்பதுண்டா, அப்படி பார்ப்பீர்களானால் நான் அடுத்துக்  கூறப் போகும் பிரச்னையை எளிதில் புரிந்துகொள்வீர்...ஒரு 5 பேர் உக்காத்துகொண்டு ஒரு தலைப்பில் விவாதம் செய்வர் ...அப்போது ஒருவரை இன்னொருவர் பேச விடாமல் செய்வதென நினைத்துக் கொண்டு சத்தமாக பேசிப் பேசி பார்ப்பவர்களுக்கு ஒன்றுமே புரியாமல் வெறும் சத்தம் மட்டுமே காதில் விழும்.அளவுக்கு சென்று வெளிநடப்பு செய்வர்...இப்படிப் பட்ட பிரச்சனை ஒரே நெட்ஒர்க்கில் இணைக்கப் பட்டிருக்கும் கணினிகளுக்குள்ளும்  வரும் அதன் பெயரே கொலிசன் தமிழில் மோதல் எனக் கூறலாம்.

இப்படி மோதல் ஏற்படாமல் தவிர்ப்பதற்கு பல்வேறு யுத்திகள் கையாளப் பட்டது, அதனை மோதலை நிராகரித்தல் (கொலிசன் ஆவாய்ட்னஸ் collison avoidance) மற்றும் மோதலை வருமுன் கண்டறிதல் (கொலிசன் டீடெக்ட்சன் collison detection ) என்னும் வழிமுறைப் படி தடுத்தனர். நீங்கள் CDMA போன் எனக் கேள்விப்பட்டிருப்பீர்கள்..அது இந்தத் தொழில்நுட்பம் கொண்டே செயல்படுகிறது...எளிதாகச் சொன்னால் நீங்கள் உங்கள் நண்பரின் கைப்பேசிக்குக் அழைப்பு விடுகிறீர்கள்..அப்போது அவர் வேறொருவருடன் பேசிக்கொண்டிருந்தால் உங்களால் பேச முடியாது அல்லவா...அதுவே கேரியர் சென்ஸ் மல்டிபிள் அக்சஸ் ..அதாவது தொடர்பில் யாரவது இருக்கிறார்களா எனத் தெரிந்துகொண்டு அடுத்தவர் முடிக்கும் வரை காத்திருந்து பின் பேசுவது.
ஒரு நேரத்தில் இந்தத் தொழிநுட்பமும் ஓத்துவராமல் போனது...அப்போது உருவானது தான் பாக்கெட்டேட்டா டிரான்ஸ்மிஷன்(PACKET DATA TRANSMISSION). அதைப் பற்றி அடுத்த பதிவில் காண்போம்



 

  

ஈதர்நெட்(ETHERNET)

என்னைப் பொறுத்தவரையில் இன்டர்நெட் செயல்பட முக்கியமானத் தேவை என்னவெனக் கேட்டால், நான் ஈதர்நெட் என்றே பதில் கூறுவேன். அப்படி இன்றியமையாத  ஒன்று தான் இந்த ஈதர்நெட்.

இது முன் கூறியது போல் ட்விஸ்டட் பேர் கேபிள் கொண்டே உருவாக்கப் படுகிறது, இதில் இதுவரை 8 வகையான மாற்றங்களும் முன்னேற்றங்களும் அடைந்துள்ளது(CAT1-CAT8)

1.CAT 1

இதுவே தொலைபேசிகளை இணைக்க பயன்படுத்துவது, இதனுள்ளில் மொத்தம் 4 தனி காப்பர் வயர்கள் இருக்கும், இதில் தகவல் (DATA) பரிமாற்றம் செய்ய இயலாது

2. CAT 2

இதன் மூலமே தகவல் பரிமாற்றங்கள் ஆரம்பித்தன. இது 4 Mbps வேகத்திற்கு தகவலை பரிமாறும் திறமை படைத்தது.Mbps  என்பதை புரிந்துகொள்ள ஒரு சின்ன கணக்கு தெரிந்தால் போதும்.  நம்முடைய ரூபாயை எப்படிக் கூட்டுகிறோமோ அதாவது 10 ஒரு ரூபாயை 10 ரூபாய் எனவும்  1000 ஒரு ரூபாயை ஆயிரம்  எனவும் ஒரு மதிப்பீடு செய்கிறோம் அல்லவா , அதே போல் தகவல் பரிமாறத் தேவையான 1 மற்றும் 0 வை அளக்க இந்த முறை பயன்படுத்தப் படுகிறது.

1 பிட் (0 அல்லது 1)

10 பிட் = 1 * 10

1000 பிட் = 1 கிலோ பிட்

1000 கிலோ பிட் = 1 மெகா பிட் = 1000*1000 பிட்   

Image courtesy: Wikipedia.com

ஆக நமது கேட் 2 கேபிள் ஒரு நொடியில் 4 மெகா பிட்  அளவு கொண்ட டேட்டாவை கடத்தும் அளவுக்கு கொள்ளளவு கொண்டது. Mbps= Mega bits per second)

மற்ற கேபிள் பற்றி கீழ்கொடுக்கப் பட்டிருக்கும் அட்டவணை பார்த்துத் தெரிந்துகொள்ளவும்

இப்போது நம் பயன்பாட்டில் உள்ளது cat 5, cat 5e மற்றும் cat 6, இவற்றின் வடிவம் மற்றும் தொழில் நுட்பம் பற்றிப் பார்ப்போம்

கேட் 5, 6, 6e

இதனுள் மொத்தம் 8 தனி காப்பர் கேபிள்கள் ஜோடியாக பின்னப்பட்டிருக்கும், மொத்தம் 4 ஜோடிகள்

இப்போது இந்தக் கேபிளை கணினியுடன் இணைக்கும் பாலமாக ஈதர்நெட் கார்டு பற்றிப் பாப்போம்.

IEEE என்னும் அமைப்பு உள்கட்டமைப்பு இணைப்புகளுக்காகவே (LOCAL AREA NETWORK) உருவாக்கிய தரநிலை எண் 802. அதில் இந்த ஈதர்நெட்டிற்கு வகுக்கப் பட்டது 802.3. இந்த ஸ்டாண்டர்ட் சொல்லும் விதிகளுக்கு உட்பட்டே ஈதர்நெட் கேபிள்கள், கார்டுகள் தயாரிக்க வேண்டும்.

ஈதர்நெட் கார்டுகள் தயாரிக்கும் வேளையில் ஒரு கார்டுக்கும் மற்றொரு கார்டுக்கும் வித்யாசம் அறிந்துகொள்ளவும், ஒரு கார்டை எளிதாக அடையாளப்படுத்தவும் ...ஆதார் எண் போல் அதற்கும் ஒரு   குறியீடு அளிக்கப்பட்டு அதை உருவாக்கும்பொழுதே அதன் ரோம்(ROM) எனப்படும் மெமரியில் இணைக்கப்படும், அதன் பெயரே மேக் அட்ரஸ் (MAC ADDRESS).

மேக் அட்ரஸ் பற்றியும், பரிமாற்றத்திற்கு தேவைப்படும் சுவிட்ச்(SWITCH), ஹப்(HUB) போன்ற மற்ற சாதனங்கள் பற்றி அடுத்தப் பதிவில் காண்போம்